Ngayong Sabado, October 24, magsisimula na ang pinakabagong season ng teleserye ng totoong buhay, ang 'Pinoy Big Brother Collab 3.0.' Sa loob ng mahigit dalawang dekada, pinatunayan ng iba't ibang Big Winners na posibleng maabot ang mga pangarap sa pamamagitan ng pagsisikap at pagharap sa mga pagsubok sa buhay. Mula sa pagiging artista hanggang sa pagtatayo ng sariling negosyo at pagbuo ng pamilya, malayo na ang narating ng ilan sa mga dating housemate na nagwagi sa PBB. Sino-sino nga ba ang mga Big Winner na ito, at ano na ang mga pinagkakaabalahan nila ngayon?